Quannu tuarnu
'a ru paise mio
me siantu 'ncuaddu
n'allegrizza ranne.
'U core para
chi me vatta
cuamu 'nu tammurru.
Ma quannu sagliu i scaluni,
e trasu intra,
'un siantu cchjù
'u strùsciu
chi papà facìa
a ru tavulatu
ccu quattru vecchje tavule.
A ru fuacularu
tizzuni e zucchi
'u' nne vidu cchjù.
A 'nnu muru attaccatu
guardu nu quatru ccu 'a figura
d''a povera mamma mia
chi sercìa 'a lana
davanti 'u putighinu:
allura 'nu nudicu a ra gula
m'attinaglia e
l'allegrizza mia diventa amara.